Zer da?

La Nueva Terapia LNT®  Philippe Schwiderskik garatutako laguntza-metodoa da.

Terapia energetiko eta espirituala da, eta arretaren —baina, batez ere, asmoaren— ahalmen kuantikoaren bidez jarduten du. Ikuspegi zaindu eta ez-inbaditzaile baten bidez, zure sistema energetikoaren oreka berreskuratzea eta zure ongizate fisiko, emozional eta bitala sustatzea du helburu.

LNT ikuspegi energetiko eta bibrazionala da, eta gorputz fisikoan, emozionalean zein gorputz sotiletan eragiten du. Mugimendu leunen eta presentzia kontzientearen bidez, organismoa berezko autoerregulazio- eta oreka-gaitasuna gogoratzera gonbidatzen da.

La Nueva Terapia LNT® gizakiaren ikuspegi holistikoan oinarritzen da: gorputza, adimena eta emozioak gara, baina baita energia ere. Arreta kontzientea (mindfulness) eta asmoa erabiliz, zure ongizatean edo eguneroko bizitzan oztopo izan daitezkeen blokeo energetikoak lantzen ditu. Praktika honek askapen emozionaleko eta eraldaketa pertsonaleko prozesuak babesten ditu; besteak beste, fobiak, mendekotasunak, segurtasun-faltak edo erabakigabetasun-aldiak lantzen laguntzen du

Nola funtzionatzen du?

LNT® terapiak hiru mailatan eskaintzen du laguntza, gizabanakoa ikuspegi holistiko batetik aztertuz:

Maila fisikoa: Tentsioa eta ondoeza —hala nola migrainak, giharretako zurruntasuna, artikulazioetako mina, insomnioa edo estresa— arintzen lagun dezake, gorputzaren autoerregulazioa sustatuz.

Maila emozionala: Metatutako emozioak askatzen, beldurrei edo segurtasun ezari leku egiten, eta norberaren barne-konfiantzarekin berriro konektatzen laguntzen du. Era berean, esperientzia zail edo traumatikoen ondorengo susperraldi emozionalean lagun dezake.

Maila erlazional eta existentziala: Norberarekin eta besteekin konexio sakonagoa izatea errazten du, bizitza koherenteago eta lasaiago baterako espazioa sortuz.

Ikuspegi integratzaile honen bidez, gorputza, adimena eta energia lerrokatu egiten dira, aldaketa sakoneko prozesuak babesteko.

Saioaren helburua:

Saioaren xedea da zure energia-eremua harmonizatzea, blokeo fisiko, emozional eta mentalak askatzea, eta barne-lasaitasun sakoneko egoera bat sustatzea. Ez da mediku-tratamendu baten ordezkoa; hala ere, tratamendu horren osagarri izan daiteke, barne-atsedenaldirako eta argitasunerako espazio bat sortuz.

Zertan lagun dezakezu?

LNT (La Nueva Terapia) metodoak laguntza eman diezazuke egoera hauetan:

- Estresa, antsietatea eta urduritasuna

- Nekea (fisikoa zein mentala)

- Min edo tentsio errepikakorrak

- Trantsizio pertsonal edo emozionaleko aldiak

- Buruko minak eta migrainak: Sarritan, masailezur-tentsioarekin edo blokeo energetikoekin lotuta egoten dira.

- Bizkarreko eta gerrialdeko minak: Bizkarrezurrean edo gerrialdean sentitzen den ondoeza.

- Artikulazioetako mina: Artikulazioetan  zurruntasuna.

- Ziatika: Ziatika-nerbioan zehar hedatzen den mina.

- Muskulu-tentsioa eta gogortasuna: Lepoan, sorbaldetan eta bizkarrean sentitzen den zurruntasuna.

- Masailezur-mina eta bruxismoa (hortzak estutzea edo karraskatzea): Kasu hauetan, kontuan hartzen da masailezurrak sarritan gatazka emozionalak gordetzen dituela.

- Hanketako nekea edo mina.

Saioan zehar, beroa edo hotza sentitu dezakezu, inurridura, edo negar edo barre egin dezakezu; koloreak ikus ditzakezu, edo, besterik gabe, bake sakona sentitu. Esperientzia bakoitza bakarra da, eta beti errespetatuko dira zure erritmo pertsonala eta zure mugak.

Aurrez aurre ala online?

LNT® saioak aurrez aurre zein urrunetik (online) egin daitezke. Hasi aurretik, elkarrekin aztertuko dugu zure egungo egoera eta beharrak, eta ikusiko dugu nola lagun diezazukeen teknikak modu egokienean. Nire helburua da espazio seguru, errespetuzko eta arretatsua eskaintzea, zure erritmoan ongizate handiagora bidean aurrera egin dezazun.

Zure barruan zerbait blokeatuta dagoela eta hori askatu, ulertu edo eraldatu beharra dagoela sentitzen baduzu, LNT® (La Nueva Terapia) lagungarri izan daiteke bide horretan, ikuspegi osagarri gisa.

Erritu txamanikoa zeremonia gidatu bat da, zure barne-jakinduriarekin eta naturaren indarrekin berriro konektatzen laguntzeko diseinatua. Soinuaren, arnasketa-tekniken, bistaratzearen eta elementu sinbolikoen bidez, zure bizitzako alderdi esanguratsuak arakatzen eta energia astunak askatzen lagunduko dizut. Ingurune intimo, errespetutsu eta seguru batekin egin dezakezu topo; mezuak, argitasuna eta hurrengo urratsetarako beharrezkoa den indarra jasotzeko espazioa da, esperientziaren integrazio lasai batekin amaituz.

Zertan datza?

Erritu txamanikoa Lurraren eta elementuen antzinako jakinduriarekin konektatzen duen zeremonia gidatua da. Kantu, soinu, asmo eta sinboloen bidez, espazio sakratu bat irekitzen da sendaketarako eta barne-begiradarako.

Praktiken artean daude, besteak beste, botere-animalia bat berreskuratzea, arima berreskuratzea, psikoponpo-lana eta orakulu baterako bidaiak egitea

Ikuspegi espirituala
Lanak gorputza, adimena eta espiritua lerrokatzea du ardatz, zure barne-gidariak eta natura errespetatuz. Bide espiritual errespetutsua da, zure indarra eta sentikortasuna gogoratzera gonbidatzen zaituena.

Zer espero dezakezu?

Errituaren unean, honako hauek bizi ditzakezu:

- Zure buruarekin eta ingurunearekin lotura sakona izatearen sentsazioa.

- Askapen emozional leun eta kontrolatua.

- Ikuspegi, irudi edo barne-argitasun esanguratsuak.

- Botere-animalia bat berreskuratzea.

- Arima berreskuratzea.

- Amaiera-fase bat, integrazioa eta gomendio soilak barne hartzen dituena.

Prozesu osoa arretaz, konfidentzialtasunez eta laguntza pertsonal estuarekin gauzatzen da, zure behar eta muga partikularretara egokituta

Zer da arnasketa-lana?

Breathworka arnasketa kontziente eta jarraitua da.

Arnasketa-praktika gidatu bat da; erritmo eta eredu desberdinak erabiltzen ditu nerbio-sistema erlaxatzeko, tentsioa askatzeko eta norberaren pertzepzioa zabaltzeko. Saioan zehar, pausoz pauso gidatuko zaitut, intentsitatea zure esperientzia-mailara eta unean uneko egoerara egokituz. Baliteke buru-argitasun handiagoa sentitzea, estresa arintzea eta zure gorputzean presenteago egotearen sentsazio sakonagoa izatea. Saioa beti integrazio- eta isiltasun-tarte batekin amaitzen dugu, esperientzia barneratu eta finkatu dadin.

Praktika honetan, musika ere erabiltzen dugu, gorputzean pilatuta eta geldituta geratu den energia askatzen laguntzeko.

Breathwork-ak, musikarekin batera, nerbio-sistema zentralaren erresilientzia garatzen laguntzen du, eta zure gorputzarekiko zein intuizioarekiko lotura indartzen du.

Gainera, kontzientzia-egoera eraldatuak arakatzeko aukera ematen du.

"Arnastu etorkizuna, bota iragana; arnastu zure oraina."

Funtsezko onurak

Aldizka praktikatuz gero, arnasketa-lanak honako hauetan lagun dezake:

- Estresa, antsietatea eta buru-nahasmendua murrizten.

- Loaren kalitatea eta eguneroko energia-mailak hobetzen.

- Buruko argitasuna eta kontzentrazioa sustatzen.

- Prozesu emozionalei modu seguruan laguntzen.

Saioan zeharreko esperientzia.

Etzanda edo eserita aritzen gara, arnasketari buruzko jarraibide sinpleak jarraituz. Baliteke beroa edo kilikadura sentitzea, emozioak azaleratzea, edota erabateko lasaitasuna esperimentatzea. Zure erritmoa errespetatzen da uneoro; etenaldiak eta esperientzia barneratzeko tarteak izaten dira, saioa oreka-egoeran eta orainaldian presenteago sentituz amaitu ahal izateko.

Zer da Kundalini aktibazioa?

Arnasketaren eta musikaren bidez, gure gorputzaren "barne-dantzan" sartzen gara; hau da, Kundalini energiaren aktibazioan.

Teknika honek zure bizi-energia propioa aktibatzen du; hainbat arrazoirengatik (hala nola heziketa, bizi-egoerak edo iraganeko traumak direla eta), energia hori ahuldua egon daiteke urteetan zehar.

Funtsean, zure barne-energia da; aktibatzen denean, zure sormen-ahalmenarekin konektatzeko aukera ematen dizu.

Kundalini energia esnatzeko, arnasketa zein energia behar dira. Arnasketaren bidez, *prana* —bizi-indarra— barneratzen duzu; horrek, aldi berean, zure berezko energia eta bizitasuna berraktibatzen ditu.

Hemen hasten da magia, zure kontzientziaren maparekin konektatzen zaren unean.

"Zure barruan energia oso indartsua dago; kontzientzia-mailak zabaltzeko, zure  izaerarekin konektatzeko, zure izatea goratzeko eta, batez ere, zure ongizate orokorra hobetzeko gaitasuna duen energia."

Zertarako da?

Zure energiari gorputz osoan zehar askatasunez zirkulatzeko aukera ematen dio; horri esker, ezkutuan, lozorroan edo erreprimituta egon diren emozioak, bereganatutako sinesmenak eta memoria zelularrak askatu ahal izango dituzu. Zenbait kasutan, kontzientzia-egoera zabalagoetara iristeko eta Izatearen osotasunari lotutako esperientziak bizitzeko bidea ere ireki dezake.

Benetan garrantzitsua ondorengo egunetan garatzen den magia da, bai eta lerrokatze energetiko horrek zure bizitzari dakarzkion onurak ere; izan ere, pertsona bakoitzak behar duena emango dizu.

Energia jakintsua da, maitasunez betea eta errespetutsua; zure bidean zauden puntuaren arabera, jasotzeko prest zaudena eta une zehatz horretan behar duzuna jasoko duzu.

Segurua al da praktika hau?

Praktika guztiz osasungarria eta segurua da. Gainera, adimena erabat kontziente eta erne mantentzen den esperientzia da. Ez dago albo-ondoriorik, ezta kalte emozional edo psikologikorik ere; aitzitik, norberaren osasuna hobetzeko tresna oso onuragarria da.

- Onura zehatzak: zure bizi-energia aktibatzea.

- Buruko argitasun handiagoa, zure helburuetan zentratzeko aukera ematen duena.

- Energia-maila handiagoa.

- Lasaitasun eta barne-bake handiagoa.

- Poz eta motibazio handiagoa.

- Ezkutuan gordetako emozioak askatzea.

- Ohitura txarrak (alkohola, tabakoa edo drogak kontsumitzea, esaterako) uztea.

 - Blokeo emozionalak askatzea

 - Indar bizi psikiko eta fisikoa indartzea

 - Immunitate-sistema hobetzea

 - Estresa, antsietatea, larritasuna eta kezkak murriztea

 - POZA, MOTIBAZIO eta BIZITZAREKIKO LOTURA handiagoa

 - Oreka emozionala

 - Intuizioa garatzea

 - Kontzientzia esnatzea