Niri buruz: Itzel, gondolaria.

Itzel dut izena, eta "gondolaria" naiz: ibaiak zeharkatzen laguntzen dizut, zuk aukeratutako ertzera irits zaitezen. Izan ere, zeure bizitzaren sortzailea zara; uneoro, zuk erabakitzen duzu nola bizi nahi duzun bizitza, eta zein helbururekin.

Urte luzez, barne-hutsune bat bizi izan nuen nire barruan; kanpo-munduko ezerk ezin zuen hutsune hori asetu. Azkenean, galdera hauek egiten hasi nintzen: «Zertarako etorri naiz bizitza honetara?» eta «Nola bizi nahi ditut geratzen zaizkidan urteak?».

Hori izan zen nire eraldaketaren hasiera: nire zauriak lantzeko eta arlo hauetan trebatzeko bidaia bat:

- Lan terapeutiko pertsonala, Eneagramaren eta Gestalt terapiaren bidez (Victoria Mendoza Txamanarekin).

- Yoga Integraleko instruktorea (Saranagati Das-ekin, Mahashakti Yoga Integral Eskolan).

- Vipassana meditazio eta mindfulness instruktorea  (Fernando Rodriguez Bornaetxerekin, Baraka Integralen).

- Reiki, I. eta II. mailak (Itziar Fraile-rekin, Centro Kailashen).

- Registro Akashikoak, I. eta II. mailak (Noemi Lázaro-Nartanekin).

- Soinu-terapia, Tibeteko kuenko eta gongekin (Rafa Monsonísekin).

- Tarot transpertsonala (José Ignacio Marina-rekin, Escuelasermasyon).

- «La Nueva Terapian» (LNT®)  terapeuta ziurtatua (Philippe eta Romain Schwiderskirekin).

- Breathwork eta Kundalini aktibazioaren bideratzailea (Sonia Santamaríarekin, Escuela Energétican).

- Txamanismoa eta erregresio txamanikoa (Martin Ribes-ekin, Escuela Epopteia-n).

- Txamanismo transkulturala (The Foundation for Shamanic Studies - AEBn egoitza duen nazioarteko eskola, Michael Harnerrek sortua).

Prestakuntza horiei guztiei esker, nire barne-zauri sakonenetan barrena nabigatu ahal izan dut; eta horri esker, gaur egun, beste pertsona batzuei lagun diezaieket sendatze-bidean.

Hainbat teknika baliatu eta uztartzen ditut; une bakoitzean pertsona bakoitzak behar duena bideratzen dut, blokeoak eta zauriak askatzen laguntzeko, izan konszientean zein inkonszientean. Horrela, pixkanaka magia gertatzen da, arimaren sendatze sakonerako ateak irekiz.

Txamanismoa lantzen dut, Lurraren erritmo sakratuak eta elementuen xuxurlak ohoratuz. Oso gaztetatik, natura niri hizketan ari zitzaidala sentitzen nuen. Denborarekin, eta nire eraldaketa pertsonalaren bidez, ulertu nuen sentikortasun hori dei sakon bat zela: besteei beren sendatze-bideetan laguntzeko deia.

LNT (Terapia Berria-Sendatze Energetikoa), arnasketa-teknikak, Kundalini aktibazioa eta txamanismoa erabiliz, energiarekin, elementuekin eta espiritu-aliatuekin lan egiten dut. Helburua da blokeoak askatzen laguntzea, arimaren zatiak berreskuratzea eta pertsona bakoitzaren barruan dagoen jakinduria esnatzea.

Saio bakoitzean, espazio seguru, goxo eta errespetuzkoa eskaintzen dizut; bertan, zu zeu izan zaitezke, maskararik gabe eta epaiketarik gabe. Uste osoa dut benetako sendatzea gertatzen dela geure buruari zintzotasunez, xamurtasunez eta ausardiaz begiratzen ausartzen garenean, eta naturaren sare handiaren parte garela berriro sentitzen dugunean. Nire asmoa da zure barne-indarrarekin, intuizioarekin eta zure "sendabide" bereziarekin berriro konektatzen laguntzea. Poz handia ematen dit bide honetan zu laguntzeak.

Ematen duzun urrats bakoitza zure intuizioak gidatu dezala.